صيد السمك بالريم

طريقة صيد السمك بالريم

اولا:- (يفضل )عود طويل لين(طري)خيط 30و25و20 سن 9و10
مكنه سريعه اللفات (وغير ذلك يكون صحيحا ف بعض الاماكن )

ثانيا:-الريم يفضل من نفس المياه وان تكون طازه بنت يومها وذلك لاحتوائها علي البرغوت الحي (اعلي انواع الريم ..ريم الشلالات -الهدارات)تم ياتي بعدها الريم الشعر العادي .

ثالثا:-انتقاء المكان (الافضل)ان تنتقي مكان التقاء 2مياه ببعض(ميه بتصب في ميه اخري) او علي اماكن (ادوار)الغله اختار الاماكن العميقه صيفا والضحله شتاءا
وغير ذلك يكون صحيحا ايضا

رابعا:- التزفير …ازاي ازفر …تجيب كميه ريم كبيره وكتيره قطعها قطع صغيره اودقيقه قدر الامكان اخلط معها رمل اوتراب واعجن بالمياه ..لو بتصطاد ف مياه سريعه ارمي مقدار كبير وكتير قبل المكان المراد الصيد منه بحوالي 20او30 متر(وغير ذلك يكون صحيحا ايضا)اجلس قرابه نصف ساعه وانزل بنفس نوع الريم وجرب النصف والتلت والربع
عن نفسي ولان الريم بعرف اجيبه صيف و شتاء بزفر بمقدار غلق ريم او جردل وفي بعض الاحيان برمي مقدار لوحتي اليد علي فترات متباعده

ملحوظه ساعات باخد معايا اكتر من نوع ريم شعر وطازه بكميات كبيره وكتيره واجرب انهي نوع ريم ف المكان ده السمكه هتقبل عليه وعلي فكره مش كله عند العرب صابون …لاء ..السمك ساعات بيقبل علي نوع ريم معين ومتاكلش الانواع الاخري كل مكان حسب ومع الخبره هتعرف بعد كده ان المكان ده اكل نوع الريم ده